నీ జ్ఞాపకాలలో

నీకై నీరెండలో వేచిన రోజులు 

నీడలా నీ వెంట నడచిన సంగతులు 

సుమించవ నా మదిలో తీగమల్లెలై 

వర్షించవా నీ రాకతో స్వాతిజల్లులై 

సుప్రభాతమే నేకానా 

నీ నుదుట సింధూరానికి 

స్వప్నలోకమే విడదీయునా 

నా మదిన ఉన్న నీ ప్రతిమని 

తొలకరి జల్లులా 

తొలిపొద్దులో ముదర ఎరుపులా 

సెలయేరులా 

అడ్డుగా నిలిచిన రాళ్ళల్లో రాగాలుగా 

గగన కడలిపై మేఘపు అలలుగా 

ఎల్లలులేని వెన్నెల మైమరపులా 

హరివిల్లులా 

అలికిన అరుగుల లోగిలి ముంగిళ్ళలా 

పసివయసులా 

సిరివెన్నెల నవ్వుల పసికందులా 

పడతి వేళ్ళను రాలే, చుక్కల ముగ్గులా 

ఎన్నులు వేసి వంగిన వరిపైరులా 

వీణలా 

మడులుగా దున్నే మాగాణిలా 

పారాణిలా 

వెదజల్లే మల్లెల సుమగంధంలా 

అలుపంటూ ఎరుగని, అమ్మ చేదోడులా 

నా పయనం గమ్యపు గుడిలో, దేవతలా